Салон даху і сайдынгу №1 у Магілёве - ckc.by

Буйная крама-склад будаўнічых матэрыялаў у Магілёве. Найперш для даху й фасада дамоў, сайдынг панэляў, вадасьцёкавых сыстэмаў, мэталядахоўкі, асб плітаў і шмат чаго іншага. А таксама кампанія са сваімі брыгадамі, якая выконвае ўсе дахавыя працы, ашалёўку хат сайдынгам, усталёўку платоў, афарбоўку фасадаў і дахаў, мур цэґлы й заліваньне бэтону.

Наша знаёмства з кампаніяй адбылося яшчэ ў 2015 годзе, на той момант у кампаніі працавала толькі 2 чалавекі, не было склада, брыгад, абсталяваньня, машын, але быў каструбаваты самапісны сайт зроблены студэнтам. Так вось зьвярнуліся яны яшчэ на той момант і маладым нам, тады яшчэ не было Navakolle. Патрэбны быў новы сайт-каталог з таварамі й паслугамі, і яго прасоўваньне, кантэкставая рэкляма. Часткова інфармацыя, тэкст і фота ўжо былі на старым сайце, лагатып таксама, але які пазьней мы палепшылі. На той момант бюджэты былі невялікія, як і наш досьвед. Але працу мы любілі й моцна паглыбляліся ў яе, таму атрымаўся выдатны, функцыйны й зручны адапцыйны сайт з рэклямай на той час. Што ў сваю чаргу моцна адбілася на яго прасоўваньні. Таксама дапамагала й тое, што на той момант было мала канкурэнтаў і іх сайты моцна адставалі ў разьвіцьці.

У канчатковым выніку й пры плыўным уліваньні бюджэтаў, пісьменным пашырэньні сайта й рэклямы, атрымалася дасягнуць топавых пазыцый (1-5 пазыцыі) па шмат якіх запытах і старонках у Google і Yandex. Што ў сваю чаргу таксама моцна паўплывала на разьвіцьцё кампаніі за мінулыя гады, якая дзякуючы гэтаму змагла абзавесьціся офісам, вялікім складам, сваім транспартам, мантажнымі брыгадамі, бугалтэрам, супрацай з заводамі й г. д. Крыху пазьней мы зрабілі й запусьцілі сац. сеткі, іншыя рэклямныя пляцоўкі й плятформы.

Па ўсім праекце ў цэлым - кліенты цалкам даручылі нам увесь працэс у інтэрнэце - дызайн, структуру, тэксты, фота, рэкляму, сац. сеткі. З-за чаго адкрылася магчымасьць спрабаваць, экспэрымэнтаваць і знаходзіць лепшы варыянт штораз. Па ісьце гэта лепшы кейс сярод усіх іншых.